TRANSFORMA. Jendea zaintzen dugu
Transforma jendea
zaintzen dugu
Garatu
Zerbitzuak garatzea adinekoen, mendekoen eta haien senideen bizitzaren kalitatea hobetzeko.
Sortu
Lanpostu kualifikatuak sortzea gizarteak gero eta gehiago eskatzen duen sektorean, etxez etxeko laguntzan diharduen laguntzailearen lanbidea duintzeko.
Bi gizarte eginkizun
TRANSFORMA ekonomia sozial eta solidarioaren enpresa-ekimenaren adibide bizia gara eta bi gizarte eginkizun ditugu:
Horrela, TRANSFORMAko bezeroek badakite gure enpresaren zerbitzuak erabiltzean ekarle gisa eta erabiltzaile gisa parte hartzen dutela gure enpresan.
IRABAZI-ASMORIK GABEKO enpresa gara. Horrenbestez, gure jarduera eta prezioak ez daude bideratuak «ahalik eta irabazi handiena» lortzera, baizik eta gizarte arloko helburuak betetzera, hau da, batetik, zaintzen dugun jendea gure jardueraren erdigunean kokatzea, eta bestetik, Familia Langilearen duintasuna lortzea.
Eginkizuna, Ikuspegia eta Balioak
Gure eginkizuna mendekoen eta adinekoen bizi-kalitatea hobetze da, ahalik eta gizatasun eta profesionaltasunik handienarekin lagunduta eta artatuta, langile kualifikatuz osaturiko talde sendo batekin, eta gizartean bazterturik dagoen jendearen laneratzea lehenetsita.
TRANSFORMAk, ekonomia sozial eta solidarioko enpresak, kontzeptu berri bat sortu du mendekoen eta adinekoen arretan, bizi-kalitaterako zerbitzu integralak bihotzez eta profesionaltasunez eskainita. TRANSFORMAren lanak printzipio hauek ditu oinarri:
01 Gizartasuna, jendea enpresaren erdigunea dela aintzat hartuta.
02 Profesionaltasuna, gaitasunez eta eraginkortasunez jokatuta.
03 Ekitatea eta pertsona bakoitzaren norbanakotasuna aitortzea.
04 Gure eginkizunarekin eta balioekin bat jokatzea.
05 Lankidetza eta talde-lana.
06 Berrikuntza eta aldaketen aldeko egokitzapen proaktiboa.
07 Jasangarritasun ekonomikoa, gure ereduaren biziraupena berma dezan.
08 Giza eta gizarte sustapena lehenestea beste faktore batzuen gainean
Xede soziala
Ingurunearekiko konpromisoa
Berdintasuna eta parte-hartzea
Enplegua sortzea
Lankidetza
Ingurumena errespetatzea
Balio Erantsi bat
TRANSFORMAk ekonomia sozial eta solidarioaren printzipioak onartu eta eramaten ditu praktikara. Ekonomiaren ikuspegi horrek kontuan hartzen ditu lehentasunez pertsonak, ingurumena, bai eta gizakia erdigunean jartzen duen garapen jasangarria ere, beste interes batzuen gainetik.
Printzipio horiekin bat, oreka bilatu beharra dago langileen premiak asetzearen eta enpresaren beharren betekizunaren artean, bere eginkizuna betetzeko eta helburuak lortzeko, hori guztia kudeaketa eraginkor eta eragingarria eginez.
Ekonomia Sozial eta Solidarioa bultzatzen duen filosofia egin dugu gure, «Mundu Solidarioaren alde ekitea» ekimenaren baitan. Hona oinarrizko printzipioak:
Eginkizun sozial horrek berarekin dakartzan helburuen betekizuna ziurtatze aldera, REAS Nafarroak kanpo auditoria soziala egiten dio urtero. Auditoria soziala gardentasun ariketa da. Horrekin bat, ekonomia solidarioaren printzipioen kartaren argitan azaltzen ditu erakundeak bere zenbakiak. Honatx printzipioak: ekitatea, lana, ingurumeneko jasangarritasuna, lankidetza, irabazi-asmorik gabea eta ingurunearekiko konpromisoa. EINAn, AMEDNAn eta REASen gara partaide.
Kalitate kontrol eraginkorra
Kontrol instituzionala
TRANSFORMA-Jendea zaintzen dugu enpresan Nafarroako Enplegu zerbitzuaren lankidetza dugu, bai eta haren aitortza ere.
Udalak
Nafarroako hainbat udalek konfiantza jarria dute TRANSFORMAn haien Etxez etxeko Laguntza Zerbitzuak (ELZ) kudeatzeko edota herriko Jubilotekak diseinatu, abian jarri eta kudeatzeko.
Oinarrizko Gizarte Zerbitzuak
eta Elkarteak
Mendetasunean dauden pertsonen senideek haietara jotzen dute laguntza eta aholkuak eskatzeko. TRANSFORMAn, zuzeneko laguntza zerbitzuak eskaintzez gain, jendea ere aholkatu eta bideratzen dugu, etxean mendekotasunezko egoera berrietan nola jokatu jakiteko.
Gure enbaxadoreak
Gure enbaxadorerik berezienak dira. Gure gizartean, zenbait kontutan aho-belarriarekin funtzionatzen dugu. Hau da, guk zaintzen dugun pertsona edo haren familia bera gure lanaren lekukotasunik onena dira. Ez dago begirada bat edo irribarre bat baino aitortza handiagorik gure pertsona zainduaren egunerokoan.
Enpresa bera
TRANSFORMA-Jendea zaintzen dugu enpresan ederki dakigu barnera begiratu behar dugula gure egunerokotasuna hobetzeko. Gure talde bilerak eta gure batzar orokorrak arras foro biziak dira entzuteko eta zer hobetu behar dugun jakiteko.
Prestakuntza funtsezkoa da Familia Langilea duintzeko, bai eta etengabe erabiltzen dugun tresna baliosa ere, geure lanbide kualifikazioan.
